在失業其間,日日係屋企除了搵工之外就無野好做,於是諗起不如CALL個朋友到我家睇風水 (其實想找人睇家居風水好耐,但返工無時間叫朋友來睇)

我其實都係一個信風水的人,雖然食幾多著幾多係整定的,但我覺得人除了努力得到成果之外,如可再加埋運氣就可以事半功陪.

都係講番正題,個風水朋友話我屋企都OK,如果唔OK就叫我搬喎

首先佢話我屋企唔係唔利感情,因為有度拱形門,拱門係代表孤寂單獨,佢叫我裝番塊布遮住度拱形咁就得,同時亦都可以聚財些,因為家中的拱門對住大門始終都唔係咁好.

跟住佢話點解你裝窗簾呀,淨係俾D衫遮住 (我個朋友當時係頓時反了白眼)
佢話兩個女人係間屋度住,都KEEP番D私檍,俾對面樓望到都唔好啦. 加上又唔聚財. 所以建議我地裝窗簾,至於窗簾顏色最好是湖水藍色.

仲有門口要放張黃色地毯聚財,地毯底就放6個銅錢,銅錢最好係唔同年代.
例如: 咸豐, 童治, 乾隆, 雍正, 康熙, 光緒

然後到廚房,基本上伙無問題,但係話水龍頭位處於疏財位,佢問我有無借錢俾人,我話無喎,佢話唔係喎應該會有人問你地借錢的. 我再諗清楚我地兩個最近真係無借錢俾人喎! 但其實我想講的係佢都幾準,因為之後第二日真係有人問大師嫂借錢,結果應驗左.

最後到睡房,佢叫我地睡覺時個頭調番去另一邊,因為睡覺時個頭最忌頭頂係窗無依靠,會令工作不穩定喎. 至於丁廁所和書房就就OK無問題.

今次睇風水,因為是朋友,所以無講要收幾多錢,但規矩就要封少少利是給他便OK,因為如果佢要認真收的話都幾貴架.

Trackback URL:
No Category::Comments(3)::Trackback(0) ::Hits(183)